فــتــنه ګر

فــتــنه ګر

 
‏ بې ضمیره لـــوی  دښمن دی د بشر
بې حیا او  بـــې انصافه دی فتنه ګر
خپلې ګټې او د بل بربادي غــواړي
چال ، دوکه او مکاري یـــې ده هنر
په ظاهر به د ورورۍ نه درته وایي
خو په زړه کې د ابلیس نه دی بدتر
نه انصاف نه ترحم لري په زړه  کې
دی بې رحمه ،خرابکار دی، ستمګر
ولسونه که  دغم په ټغر ناست وي
‏ پروا نکړي که سوځیږي سمه او غر
په فریب او په دوکو یې زندګي ده
د حرامو روزي نه شي سپین او زر
تل د بـــل عیبونه شماري حقیقت کې
دی  د خپلو  عیبو نـــه  دي بـا خبر
‏ که په هرجامه، لباس کې را ظاهر شي
‏ دی هویت یې  معلومدار په  لر او بر
ربه تـــه یې هدایت د نیکي وکـــړې
د اخلاص یې په زړه  نشته کوم اثر
‏-------------------------------‏
شاعر : سمیع الدین افغاني
‏۵ – ۲ – ۲۰۲۰‏
م ۰ کال
لوستل شوی 68 ځله
دې ته ورته نورې ليکنې « نوی هنکامه وطنه »

خپل نظر وليکئ

ټولې کړکۍ چې د ستوري (*)نښه لري ډکول يې ضروري دي