وطن جوړیږي

وطن جوړیږي

 

که وي پــوهه ، تعقل وطن جوړیږي

چې وي یـو دبل منل وطن جوړیږي

 

څوبه خپلو کې مونږ لاس اوګریوان یو

د ورورۍ لاس ورکول وطن جوړیږي

 

 د زور واک ،چپاولګرو چې هستي ده

بیت المال ته یې سپارل وطن جوړیږي

 

که پرون په زړه د تورو کاڼو غروه

اوس یې سم دریځ نیول وطن جوړیږي

 

ترڅونشو په خپل مینځ کې کوراوکلي

درناوی کــول د بــل وطن جـوړیـږي

 

ډیربیرحمه او مکاره مـو دښمن دی

ورته یو موټي کیدل وطن جـوړیږي

 

ښه موقعه او ښه فرصت د زمانې دی

ځوان کهول پکارګمارل وطن جوړیږي

 

سمه طرحه بــرنامه ورته پکار ده

یو معقول دریځ منل وطن جوړیږي

 

د پردي مټ تــه هیڅکله تمه نشته

افغاني احساس لـرل وطن جوړیږي

--------------------------------

 سمیع الدین افغاني

۱۰۸۲۰۱۹

م ۰ کال

لوستل شوی 180 ځله
دې ته ورته نورې ليکنې « دام ذلت د سترګو ژبه »

خپل نظر وليکئ

ټولې کړکۍ چې د ستوري (*)نښه لري ډکول يې ضروري دي