کاشکې بیا د رحمتونو باران را شي
لکه تیږو سختو زړو ته موسکا راشي
د هر زړه له ورخه تیر د مینې څاڅکي
هر یو زړه ته د ښکلاو رڼا راشي
د انسان د ارزوګانو په آسمان کې
د خوښیو د څو څاڅکو نڅا راشي
شي جاري د تنګ ذهنونو په کوڅو کې
پلوشې د سباوون په خندا راشي
ددې بڼ د هر ګل بوټي د اند پښو نه
مات زنځیر د تور فکرونو هر خوا راشي
مړاوې هیلې بیا ژوندۍ او په خندا شي
ډک جامونه د الفت په کړنګا را شي
چې د لپو جام مو ډک شي بیا له هیلو
بیا رګونو کې د باغ نوې سا راشي
چې د روح سمندر مست او توفاني کړي
خوش بويي د نو بهار او بقا راشي
له سر لرې تور څادر کړئ پسرلي ته
څو د ژوند د ښکلا خوب په رښتیا راشي
اورښت
Typography
- Smaller Small Medium Big Bigger
- Default Helvetica Segoe Georgia Times
- Reading Mode
