د هند فلمي نړۍ درې مشهور خانان په یوه فلم کې؟

د هند فلمي نړۍ درې مشهور خانان په یوه فلم کې؟

 

نصرت جهانبي

دا وروستیو کې داسې خبرونه خپاره شوي، چې لال سینګ چډها نومي فلم کې به دوی د سینما پر پرده یو ځای ولیدل شي، چې ښايي رول یې د مېلمه ممثل په توګه وي.

دغه درې مخکښ فلمي ستوري تر اوسه په هېڅ یوه فلم کې یو ځای نه دي لیدل شوي، خو اوس شاه رخ خان پر خپله فېسبوکپاڼه تایید کړې، خو زیاتوي

:

''په کیسه کې یوه معما شته چې وروسته به یې معلومات درسره شریک کړو. ''

هسې هم دا د نن سبا خبره نه ده، بلکې دا فلم به د ۲۰۲۰ کال د نوي میلادي کال رادبره کېدو پر مهال نندارې ته وړاندې کېږي.

 

د بالیووډ یو بل تازه خبر دا دی چې هندي فلمي صنعت ته د مخکښ فلمي ستوري امیتاب بچن د راتګ ۵۰ کلونه پوره شوي. په ۱۹۶۹ کال کې امیتاب بچن له (سات هندوستاني) نومي فلم سره بالیووډ کې راڅرګند شو او هغه وخت ښايي هېچا ګومان نه کاوه، چې یو وخت به دومره بریالی ثابت شي

.

امیتاب په لومړي سر کې د هاغه وخت مشهورو فلمي ستوریو، دهرمیندر، سنیل دت او دیوانند په شتون کې ډېر کامیاب نه و، خو وروسته یې د 'دیوار'، 'شعلې'، 'امر اکبر انتوني'، 'ډان'، 'اګني پت' او 'قلي' غوندي فلمونه خورا کامیاب ثابت شول.

امیتاب اوس هم د تمثیل برخه کې فعال دی او په ۲۰۲۰ کال کې به یې د برهماستر، چهرې او ګلابو ستابو له نومونو سره فلمونه نندارې ته وړاندې شي.

 

لوستل شوی 65 ځله Last modified on شنبه, 25 عقرب 1398 19:37

خپل نظر وليکئ

ټولې کړکۍ چې د ستوري (*)نښه لري ډکول يې ضروري دي