وروستي مطالب

وطن پالنه دغسې وي!

پنجشنبه, 17 جوزا 1397 17:24

محمد روښان ښاد

وطن پالنه دغسې وي لکه زموږ د امنیتي او دفاَعي ځواکونه، ځکه په ښارونو، لویو لارو، غرونو او سنګرونو کې په دې مبارکه روژه او ګرمۍ د هېواد د دفاع په خاطر د هیڅ ډول ستونزو او حتی مرګ پروا هم نه لري او د خپل سر په بیه هره شیبه د وطن لپاره دې د ځان نذرانه کولو قربانۍ ته چمتو دي

ټاکنې مه قومي کوئ

پنجشنبه, 17 جوزا 1397 17:16

محمد بشیر یوسفزوی

ټاکنې د ولسواکۍ اصل دی، خو په افغانستان کې ډېر په ځانګړي ډول نوماندان د دغه اصل د قومي کولو هڅې کوي، هغوی چې کوم، کمال، هنر او جوهر نه لري، خلکو ته جهت او انګېزه نشي ورکولی او خپل ځان ورته نشي تشریح کولی. یا په اصطلاح داسې کوم کمال نه لري چې د خلکو پام ځانته ور واړوي، نو هغوی بیا د ټاکنو د قومي کولو هڅې کوي چې دا کار په څو دلایلو مناسب نه دی.

لومړی دلیل یې دادی چې د ټاکنو قومي کول د افغانستان ملي یووالي ته زیان رسوي او د وروڼو قومونو تر منځ کینه، حسد، بغض، حسادت او بدبیني زیاتوي

ولې په ټاکنو کې ګډون کوو؟

دوشنبه, 31 ثور 1397 19:41

ژباړه او لنډیز: وحید احمدزی

مدني ټولنه د ټاکنو په څېر د ولسواکۍ له مهمو رکنونو څخه ده. د طالبانو نظام له پاشل کېدو وروسته د نوي نظام په راتګ سره هیلې راټوکېدلي او دغه نسبي وضعیت لا هم ادامه لري. کرار، مګر دوامدار د ښه والي په لور روان یوو او د لومړي ځل لپاره مو په سوله ییزه توګه د واک لېږد تجربه کړ چې د ولسواکۍ بنسټي کېدو او پیاوړتیا کې یوه ښه لاسته راوړنه ګڼل کېږي

ولسمشر غني د اسلامي کنفرانس په غونډه کې یوازې همدردي کافي ونه بلله

شنبه, 29 ثور 1397 13:18

محمد روښان ښاد

د ترکیې په استانبول ښار کې د اسلامي همکاریو د کنفرانس فوق‌العاده ناسته چې د ترکیې د ولسمشر په نوښټ د یاد سازمان د غړو هېوادونو د مشرانو په حضور کې جوړه شوې وه افغان ولسمشر محمداشرف غني  هم ورغلی و، نوموړي دغې غونډې ته د وینا پرمهال وویل: ”تېره یوه اونۍ کې تر فلسطینیانو زیات شمېر افغانان له منځه تللي دي.  خو ما ځان مکلف وګڼلو چې په دغه فوق العاده ناسته کې د فلسطین له خلکو سره د خپلو وطنوالو د همدردۍ د څرګندولو لپاره ګډون وکړم

امتیاز اخلي، خو له هویته منکر دي!

پنجشنبه, 27 ثور 1397 21:12

اېمل پیاوړی

د افغانستان د اساسي قانون څلورمه ماده په صراحت سره حکم کوي چې: ” په افغانستان كې ملي حاكميت په ملت پورې اړه لري چې يې په مستقيم ډول خپله يايې د خپلو استازو له لارې عملي كوي. د افغان ملت له هغو ټولو افرادو څخه چې د افغانستان تابعيت ولري، عبارت دى د افغان كلمه د افغان ملـت پر هر فرد اطلاق كېږي. د ملت هيچ يو فرد له افغاني تابعيت څخه نه محرومېږي. په تابعيت او پناه وركولو پورې اړوندې چارې د قانون له ليارې تنظيمېږي

ولس دې مسوولیت احساس کړي

پنجشنبه, 20 ثور 1397 20:08

اېمل پیاوړی

د اساسي قانون د حکم مطابق ولس د حقونو او امتیازاتو ترڅنګ مسوولیت او مکلفیت هم لري، نو ښایي چې د خپلو حقونو د غوښتلو باوجود د خپل مسوولیت احساس هم وکړي. ځکه د جنګ، ناامنۍ، فساد او بې عدالتۍ پر وړاندې د ولس اوسنۍ بې تفاوتي هم د دوی او هم د نظام او هېواد په زیان ده

د نوم لیکنې بهیر د پڅوالي لاملونه

پنجشنبه, 20 ثور 1397 19:58

محمد بشیر یوسفزوی

نږدې له یوې میاشتې راهیسې د هېواد د ولایتونو په مرکزونو کې د نوم لیکنې بهیر پیل شوی، خو دغه بهیر لا هم پڅ روان دی او داسې ښکاري چې خلک په راتلونکو ټاکنو کې ګډون ته چندان لېواله نه دي. دا کار خپل لاملونه لري چې دلته د بېلګې په توګه د هغو یادونه کېږي

خپلې رایې ته معیار وټاکئ

پنجشنبه, 20 ثور 1397 19:53

محمد روښان ښاد

ټاکنې په افغانستان کې نوې تجربه ده، ځکه تراوسه دوه دورې د ولسي جرګې او دوه دورې د ولسمشرۍ ټاکنې ترسره شوې دي، چې دریمه دوره د ولسي جرګې او ولسوالیو شوراګانو تاکنې به په نږدې راتلونکي کې ترسره شي، نو له همدې امله زموږ خلک د ټاکنو او رایو ورکولو په برخه کې لا زیات پوهاوي ته اړتیا لري