وروستي مطالب

افغانان د زور او فشار پروا نه لري

چهارشنبه, 11 دلو 1396 16:13

محمد بشیر یوسفزوی

که افغانان له زور او مرګه وېرېدلی او یا فشار ته تسلیمېدلی، نو د چنګېز، انګرېز او پخواني شوروي د یرغلونو، زبرځواکیو او وحشتونو پر وړاندې به د غره غوندې محکم نه ودرېدلی او لا د وخته به یې هغوی ته د تسلیمۍ سرونه ټیټ کړي وای.

د انګرېز او روس زور او فشار چې افغانان مات او تسلیم نه کړل، نو د پاکستان، طالب، داعش او بل ترهګر زور او وحشت به کله دغه عظیم ملت خپل ځانته سلامي کړي. دوی ته ښایي چې د افغان مېړني ولس له تېر تاریخ نه درس او عبرت واخلي او د دښمنۍ پرځای د دوستۍ لاره اختیار کړي، ځکه د افغانانو په اړه دا ډېره مشهوره ده چې په زور جنت ته هم نه ځي، خو په دلاساینه یې دوزخ ته هم بېولی شې

افراطیت ته مخه مه ورکوئ

سه‌شنبه, 10 دلو 1396 14:14

ګلرحمن رحتمني

 افراطیت او ترهګری لیونتوب دی ، جنون دی ، رواني ناروغي ده  او پر خپلو کورنیو مو پام کوئ چې په دې خطرناک وایروس اخته نه شي، ځکه دغه بې رحمه ډله له وژنو، ورانو، دربدریو او ویجاړیو مه واره نور هیڅ هم نه پېژني.

د افراطیت د کورنیو او حکومتونو او مسوولیتونو له بې غورۍ، ناپامۍ، فقر، محرمیت او استبداد څخه سرچینه اخلي، چې په نړۍ کې جګړه له همدې څخه را پیدا کېږي ، بل جنګ په هغو هیوادو او ملتونو کې وي یا د نورو په نسبت زیات وي ، چې استبدادي حکومتونه لري

د اندونیزیا د جمهور رئیس د سفر ارزښت

سه‌شنبه, 10 دلو 1396 14:11

محمد بشیر یوسفزوی

د اندونیزیا جمهور رئیس داسې مهال افغانستان ته سفر کوي چې پلازمېنه، ننګرهار او کندهار کې د وروستیو تروریستي بریدونو د ترسره کولو له امله هېوادوال د خپلو عزیزانو، وطنوالو او د کورنیو د غړو د له لاسه ورکولواو ټپي کېدلو له امله د ویر په ټغر کې ناست دي.

په دغسې حساس او له خطره ډک حالت کې افغانستان ته د اندونیزیا د جمهور رئیس جوکو ویدودو راتګ له افغانستان سره د اندونیزیا مینه، لېوالتیا او ژمنتیا ښیي. افغان حکومت په غمجنه او واورینه ورځ د اندونیزیا د ولسمشر او ورسره پلاوي تود هرکلی وکړ، ځکه مقاماتو د افغانستان او اندونیزیا د ښو مناسباتو اړتیا او ښېګڼه درک کړې او له همدې امله غواړي چې دغه مناسبات تر پخوا لا زیات ټینګ او پراخه شي

اندونیزیا افغانستان ته څه ورکولی شي؟

سه‌شنبه, 10 دلو 1396 14:09

اېمل پیاوړی

اندونیزیا په نړۍ او سیمه کې یو ځانګړی نوم دی، هم د نړۍ د لوی اسلامي هېواد په توګه خپل حیثیت او شهرت لري او هم د اقتصادي او پرمختللي هېواد په توګه په نړۍ کې یاد او مشهور دی، نو د اندونیزیا هېواد دغو دواړو اړخونو او شهرتونو ته په کتو باید افغانستان ورڅخه خپله  اعظمي ګټه پورته کړي

افغانستان او اندونیزیا دوه پخواني ملګري

سه‌شنبه, 10 دلو 1396 14:04

محمد روښان ښاد

افغانستان د خپلې فعالې ډیپلوماسۍ پرمټ ورځ تر بلې غوړېږي، غښتلی کېږي او د سیمې او نړۍ هېوادونو سره خپلې پرې شوې او سړې شوې اړیکې او مناسبات بیا له سره رغاوي، چې یو ښه مثال یې اندونیزیا سره د سړو شویو او پرې شویو اړیکو بیا ټینګول دي.

د سږکال په پسرلي کې ولسمشر غني اندونیزیا ته رسمي سفر وکړ او یاد هېواد ته د خپل سفر پرمهال یې د اندونیزیا جمهور رئیس، لومړي وزیر، تاجرانو، پانګوالو، علما او د اسلامي مرکزونو سره جلا جلا کتنو کې د افغانستان او اندونیزیا د اړیکو د پراختیا، د ملګرتیا د ارزښت او هر اړخیزو همکاریو په پراخوالي ټینګار وکړ

ملت ګټونکی دی

دوشنبه, 09 دلو 1396 13:54

محمد بشیر یوسفزوی

په دې وروستیو کې د ښار په منځ کې په تاسیساتو، روغتونونو او ملکي وګړو وحشیانه ترهګریز بریدونه او د فاجعې رامنځته کول د افغانستان د وسله والو دښمنانو زوال او وارخطایي ښیي، ځکه بهرني باداران یې دېته لمسوي چې د خپل زوال د پټولو لپاره باید دغه وړ جنایتونه ترسره کړي. عام وژنې وکړي او په دې ډول خلک د حکومت پر ضد را وپاروي، خو دوی له دې څخه بې خبره دي چې د دوی جنایتونو ته په کتو ولس له دوی څخه دومره منفور دي چې هیڅ به هغوی ته په خپل هېواد او منځ کې ځای ورنه کړي

د افغانستان دوه تصویره

دوشنبه, 09 دلو 1396 13:48

محمد روښان ښاد

افغانستان  نن سبا دوه تصویره لري چې یو د جنګ او بل د برابرو شویو فرصتونو تصویر دی، خو تراوسه یوازې د افغانستان د جنګ او ناامنۍ تصویر نورو ته ورښودل شوی دی. مګر موږ باید کوښښ وکړو چې د نړیوالو پام د افغانستان د فرصتونو او ظرفیتونو رول ته ور واړو او د هغوی له ذهنونو څخه د افغانستان د جنګ او ناامنۍ تصویر پاک کړو

خدای ناترسو ماشوم وژنه بس کړئ!

دوشنبه, 09 دلو 1396 13:45

ګل رحمن رحماني

وایي یوه ورځ چې په جنګ کې رسول الله د یو ماشوم جسد ولیده، نو له ډېرې اندېښنې یې سکوت اختیار کړ او بیا یې ویل، اې الله (ج) په انسانانو څه شوي چې ماشومان وژني؟

 صحابه د هغه ماشوم نصب لټوي او پوښتنه یې کوي او بېرته رسول الله ته راځي او هغه ته وایي چې مه خپه کېږه هغه د یوې مشرکې کورنۍ ماشوم و، نو رسول الله په ځواب کی ورته وایي، نو د اسلام له دین دمخه تاسې د کومې کورنۍ غړي وئ ؟ تاسې څوک وئ ؟

خو ترهګرې ډلې بیا په لوی لاس زموږ معصوم ماشومان د خپلو بریدونو پرمهال په نښه کوي او پې برحمۍ یې شهیدانوي. د روانې بدمرغه جګړې اکثره قربانیان ماشومان دي، ترهګر په ډېره بې رحمۍ هغوی وژني، ښوونځي یې ویجاړوي، په روغتونونو او ښارونو کې یې په تروریستي