طالبان د سولې او که د فشار کمولو په هڅه کې دي؟

اېمل پیاوړی
په پام کې ده چې وسله وال طالبان دا ځل په  چین کې مذاکراتو ته کېني، مګر دغه ډول ناستې به تر هغو ‏پورې پایلې ونه لري چې د افغان دولت استازیتوب په کې نه وي او یا هم د هیواد په داخل کې ترسره نشي، ‏ځکه چې د طالبانو مقابل جهت افغان دولت دی او دا هیڅ امکان نه لري چې د مقابل لوري له حضور پرته ‏دې اوسنۍ جګړه پای ومومي، نو د دې لپاره حتمي او ضروري ده چې افغان دولت نه یوازې ډ سولې په ‏مذاکراتو کې ورشریک شي،
بلکې دغه مذاکرات باید د افغان دولت په مشرۍ او مالکیت ترسره شي.‏
د سولې د دغه ډول بې مانا مذاکراتو دوه تعبیره کېدلی شي، یو دا چې وسله وال طالبان غواړي په دې ډول ‏له امریکا څخه امتیاز ترلاسه کړي او کررار کرار د سیمې له هیوادونو سره خپلې اړیکې وغځوي، دویمه ‏داده چې ممکن دوی په دې ډول غواړي چې په جنګ کې پر دوی شته فشار راکم کړي، ځکه کله چې د ‏ژمۍ موسم په رانیږدی کیدو شی د پاکستان حکومت د سولې په نوم هلي ځلي شروع کړی خو په حقیقت کې ‏هغه د سولې هڅي نه کوی بلکې دوی له یوې خوا افغان حکومت له طالبانو سره د سولې په نوم د هغه ‏سیمو له عملیاتو څخه لری ساتې چې د دولت مخالفینو ته مهمی او د تګ راتګ لارې دی او له بل پلوه ‏دوی طالبانو مهمات ، د جنګ تکتیکونه او مالۍ مصارفو کومک کوی .‏
که موږ د امریکا او طالبانو تر منځ د سولې ۱۰ میاشتیني خبري وګورو نو تر اوسه پوری یې کومه لاسته ‏راوړنه نه لرله هر کله به چې د طالبانو او امریکا تر منځ خبري شروع شوی نو په هغه وخت کې به ‏جګړۍ شدت واخیسته .‏
افغان حکومت د سولې لپاره په هر هغه حرکت ټینګار کوی چې مالکیت یې افغان حکومت ته وسپارل شی ‏او هر هغه هیواد چې د افغان سولې لپاره غونډه جوړوی د یو دریم ګړی هیواد په صفت خپل رول ولوبوی.‏
له همدی امله موږ ویلی شو که د چین هیواد د جوړیدونکې غونډې مالکیت افغان حکومت ته ورکړی او د ‏یو ناظر په صفت خپل رول ولوبوی نو د چین په هیواد کې جوړیدونکې غونډه به د افغانستان د کشالي د حل ‏لپاره یوه ښه او له لاسته راوړنو ډکه غونډه وی .‏
پکار دی چې د سولې لپاره له برابرو شویو  فرصتونو څخه اعظمي استفاده وشي، ځکه چې له یوې خوا ‏څلوېښت کلن جنګ او بحران زموږ د خلکو ژوند تریخ کړی دی او له بل لوري هره ورځ مو لسګونه ‏هیوادوال بې موجبه وژل کېږي، نو وسله والو طالبانو ته ښایي چې د جنګ پرځای د سولې او له دولت سره ‏د مذاکراتو لاره اختیار کړي.‏
‏ ‏
 
لوستل شوی 51 ځله

خپل نظر وليکئ

ټولې کړکۍ چې د ستوري (*)نښه لري ډکول يې ضروري دي