دا څوک دى

له کوڅې راځي د چا د پښو غږونه

پوه پرې نه يم څوک را لېږي پيغامونه

په دې پوه يم بيا ته نه راځې دېخواته

تا هېر کړي پخواني واړه لوظونه

زړه مې درزي چې دا څوک په لار روان دى

هر قدم يې لړزوي د زړه برجونه

نابللى را روان دى نه درېږي

د زړه کور ته کوم مېلمه ږدي قدمونه

ستا يادونه په ورو ورو وځې له زړه مې

بيا دا څوک دى استوي نوي دردونه

د ساعت ستن پر دېوال پر چولېدو ده

بيا پر سترګو پرېشانۍ وهي موجونه