جانان تر کله

جانان تر کله

  نه پخلا کيژی زما جانان ترکله            ماسره وی نا مهربان ترکله
کلونو تیر شو خوجانان رانغله             زه هسی ناست یم بی جانان ترکله
زه یم یوازی زما غمونو سره               له مانه لیری وی جانان ترکله


کشتی دژوند می ډوبیدو ته نږدی       دانه پوهيږی زماجانان ترکله
دجدایی خوبونه ډیر وینمه                 په خوب می نه راځی جانان ترکله
زه یمه تږی دآشنا لیدوته                  اعتنا نه کوی جانان رکله
ځان می له لاسه راوتلی مخکی         اوسم بی ځان او بی جانان ترکله
زه لیونی نه یم بغیر له مینی              ما لیونی شمیری جانان ترکله
امینی پاته شی حیران ترکله             چه ورته نه راځی جانان ترکله
اوږی ۱۳۹۵ لوند سویدن

عبدالغفور امیني

لوستل شوی 231 ځله Last modified on سه‌شنبه, 19 جدی 1396 19:37

خپل نظر وليکئ

ټولې کړکۍ چې د ستوري (*)نښه لري ډکول يې ضروري دي