وروستي مطالب

غني: د سولې لپاره موقع تر ابده پرانیستې نه ده

سه‌شنبه, 16 جوزا 1396 15:24


زموږ تګلاره دا ده چي په دې سیمه کي له خپلو ټولو ګاونډیانو سره پیاوړې سیاسي او اقتصادي ‌اړیکې جوړې کړو
افغان ولسمشر محمد اشرف غني وايي "د سولې لپاره یوه موقع ورکوو خو دا هم باید روښانه وي چي دا يوه تر ابده پرانیستې موقع نه ده ". ولسمشر وویل په وروستي ځل له طالبانو غواړم چې د سولې له پروسې سره یو ځای شي.
ولسمشر غني د سولې او امنیت په موخه په کابل کې جوړې شوې نړیوالې غونډه ته وویل "موږ چمتو یوو چي سولې ته د لارې هوارولو په موخه مذاکره وکړو خو هیڅ څوک دې کله هم دا نه انګېري چې ‌موږ به تر ویرې او فشار مذاکره وکړو ".
د دې ترڅنګ ولسمشر غني یو ځل بیا پر پاکستان غږ وکړ چې د مذاکرې لپاره ‌دې خپله اجنډا او میکانیزم را وړاندې‌ کړي ‌چې په مرسته یې سولې ‌او ښېرازۍ ته ورسېږو.
د سولې پروسې تر عنوان لاندې دا غونډه په داسې مهال کې ترسره کېږي چې څو ورځې وړاندې یوې سترې چاودنې په کابل کې ۹۰ کسان ووژل او شاوخوا ۴۶۰ یې ټپیان کړل. له برید وروسته د افغانستان ملي امنیت ادارې وویل برید د پاکستان استخباراتي ادارې ای ایس

ارګ د اتمر ننګه وکړه

دوشنبه, 15 جوزا 1396 21:55

رباني لګولی چې په نظام کې دننه ځيني کړۍ له ترهګرو سره مرسته کوي

د جمعیت اسلامي غوښتنې په غبرګون کې ارګ ویلي چې حنیف اتمر په صداقت د هیواد په چوپړ کې دی.

د افغانستان د جمهوري ریاست وايي چې د ولسمشر د ملي مشاوریت دنده اجرايي واکونه نلري او محمد حنیف اتمر پدغه دنده کې "په صداقت د هېواد لپاره خپله دنده مخ ته وړې ده او مخ ته بیايي".

د ارګ په یوې اعلاميې کې همدغه راز په ټولو سیاسي، مدني او ټولنیزو بنسټونو غږ شوی چې د حالاتو حساسیت ته په کتو اقدام وکړي او د افغانستان "دښمنان پرېنږدي چې خپلو اهدافو ته چې د ملت په منځ کې نفاق اچول دي" ورسیږي.

د دوشنبې په ورځ د جمعیت اسلامي ګوند مشر صلاح الدین رباني، چې په خپله د افغانستان د بهرنیو چارو سرپرست وزیر دی، له دندې د حنیف اتمر د لرې کولو غوښتنه وکړه.

د لندن د دوو بریدګرو هویت اعلان شو

دوشنبه, 15 جوزا 1396 21:46

یو برید کوونکی ۲۷ کلن خرم بټ دی او بل یې ۳۰ کلن راشد رضوان
د برتانیا د پولیسو سکاتلنډ یارد څانګې د لندن برېج د دوو بریدګرو نومونه اعلان کړل.
یو کس یې ۲۷ کلن خرم بټ دی چې واده یې کړی، اولاد لري او د لندن ختیځه سیمه بارکنګ کې ژوند کوي.
سکاتلنډ یارد د دوشنبې په ورځ وویل چې خرم بټ پولیسو او د دغه هېواد کورنۍ استخباراتي ادارې ام ای ۵ ته معلوم و، خو داسې شواهد یې نه درلودل چې وښيي د یوه برید په ترسره کولو کې دې لاس ولري.
دوهم کس راشد رضوان نومېږي چې ۳۰ کلن ښودل شوی دی چې تر دې دمه یې په اړه ډېر معلومات نشته.
دغه دوه کسان له یوه بل کس سره د پولیسو په ډزو ووژل شول.
لندن بریدونه: پولیسو ته 'د بریدګرو نومونه معلوم دي'
د عکسونو البوم: لندن کې د پولیسو عملیات

د امریکا سفارت: نړیواله ټولنه له افغان حکومت سره په کلکه ولاړه ده

شنبه, 13 جوزا 1396 13:48

په کابل کې د امریکا سفارت د چهارشنبې د ورځې د خونړۍ چاودنې د غندلو ترڅنګ وايي، اوس وخت دی چې افغانان او نړیوال ملګري يې د دښمنانو پر وړاندې یو موټي شي.

په کابل کې د امریکا شارزدافیر هوګو لورینز ویلي د روانې جون میاشت په ۶ په کابل کې جوړېدونکې نړیواله غونډه به ټولو هغو ته چې غواړي افغانانو او افغانستان ته زیان ورسوي بیا دا پیغام ورسوي چې نړیواله ټولنه له افغان حکومت او ولس سره په کلکه ولاړه ده.

د متحده ایالاتو د سفارت په اعلامیه کې چې نن خپره شوه د ښاغلي لورنیز په حواله ویل شوي چې د افغانستان دښمنان نشي بریالی کېدای او هېڅکله به کامیاب نشي.

هوګو لورینز ویلي اوس وخت دی چې له خپلو نړیوالو شریکانو سره بزدله دښمنانو ته په لوړ غږ او ښکاره دا ووایو چې دوی به د یوه سوله ییز،شفاف او سوله ییزه افغانستان د جوړولو لپاره د زموږ هوډ مات نه کړي.

د افغانستان د کورنیو چارو وزارت کابل کې پر لاریون او غونډو بندیز ولګوه

شنبه, 13 جوزا 1396 13:45

د افغانستان د کورنیو چارو وزارت امنیتي مرستیال جنرال مراد علي مراد، د لوړو امنیتي ګواښونو له امله د کابل ښار له اوسیدونکو څخه غوښتي، چې له لاریونونو او غونډو څخه ډډه وکړي.

جنرال مراد د شنبې په ورځ خبریالانو ته وویل "ټول هغه وروڼه چې پرون په لاریون کې وو، هغوی ته خبر ورکوو، چې تر بل امره پورې دې له لاریون کولو څخه ډډه وکړي، ځکه چې امنیتي ګواښونه زیات دي."

هغه زیاته کړه، چې د جمعې ورځې په لاریون کې د ګډوډیو د رامنځ ته کولو لپاره یو شمیر وسله‌والو کسانو د اعتراض‌کوونکو په منځ کې ځای نیولی وو، چې د پولیسو او اعتراض‌کوونکو ترمنځ د نښتې په نتیجه کې ۵ کسه لاریون کوونکي ووژل شول او د ۱۹ پولیسو په ګډون ۲۳ نور ټپیان شول.

جنرال مراد وویل، چې دا پیښه په جدي ډول د افغانستان د لویې څارنوالۍ له خوا څیړل کیږي او عاملینو ته به یې سخته سزا ورکړل شي.

د کابل د ګارنیزیون عمومي قومندانۍ په یو بیان کې خبرداری ورکړی، چې د هغوی د استخباراتي معلوماتو له مخې په کابل کې پر غونډو او لاریونونو باندې د برید امکان شته او له اعتراض‌کوونکو څخه یې غوښتي، چې له لاریون کولو او د غونډو له جوړولو څخه ډډه وکړي.

خلیلزاد: پاکستان ته زغم کول "نامعقوله" دي

شنبه, 13 جوزا 1396 13:40

په کابل او ملګرو ملتونو کې د امریکا د متحده ابالاتو پخوانی سفیر زلمی خلیلزاد وایي که د کابل په وروستي برید کې د پاکستان مداخله ثابته شي امریکا باید د ترهګرو هیوادونو په لست کې د پاکستان درج کولو باندې غور وکړي.

ښاغلي خلیلزاد د امریکا غږ سره په مرکه کې وویل که د کابل په مرګوني برید کې چې ۹۰ تنه په کې ووژل شول او څه دپاسه ۴۳۰ نور په کې ټیان شول د حقاني شبکې او د پاکستان د استخباراتو د لاس لرلو په اړوند د افغانستان د حکومت ادعاوی ثابتې شي، لازمه ده چې د امریکا د متحده ایالاتو د جمهور رئیس دونالد ټرمپ اداره جدي بحثونه پیل کاندي چې پاکستان د ترهګرو د ملاتړو هیوادونو په جمله کې حساب شي.

ښاغلي خلیلزاد زیاته کړه چې پر پاکستان باندې په تیرو ۱۶ کلونو کې د امریکا له لورې دیپلوماتیک، اقتصادي او سیاسي فشارونو مطلوبه نتیجه ور نه کړه، نو دې ته اړتیا ده چې د افغانستان حکومت او نړیواله ټولنه په ځانګړې توګه امریکا د پاکستان په وړاندې جدي او پراخ اقدامات وکړي.

'۵ کشته و بیش از ۱۰ زخمی' در درگیری پلیس با معترضان در کابل

جمعه, 12 جوزا 1396 14:20

گفته می‌شود که در این تظاهرات هفت نفر کشته و بیش از بیست نفر زخمی شده‌اند
مقامات بیمارستانی در افغانستان به ‌بی‌بی‌سی تایید کرده‌اند که در درگیری میان تظاهرکنندگان و پلیس در جریان تظاهرات امروز کابل ۵ نفر کشته و بیش از ۱۰ نفر زخمی شده‌اند.
اما رسانه‌های محلی و شاهدان عینی از کشته شدن دست کم ۷ تظاهرکننده و زخمی شدن بیش از ۲۰ تن آنها در این تظاهرات خبر داده‌اند.
خبرگزاری‌‌های رویترز و فرانسه به نقل از مقامات دولت افغانستان گزارش داده‌اند که در این تظاهرات ۴ نفر کشته‌ شده‌اند.
ارگ ریاست جمهوری افغانستان نیز با انتشار خبرنامه‌ای اعلام کرده که از خبر جان باختن و زخمی شدن شماری از شهروندان در تظاهرات امروز کابل متاثر است.
در خبرنامه ارگ آمده: "رهبری دولت افغانستان خود را متعهد به استماع خواست‌های مشروع مردم می‌داند و پس از دریافت این خواست‌های معقول، مطابق با قوانین نافذۀ کشور به آن رسیدگی می‌شود."

افغان او امریکایي چارواکي د لوړې کچې سلامشورې پیلوي

جمعه, 12 جوزا 1396 14:15

د افغانستان د ملي امنیت شورا وایي د امریکا د ملي امنیت سلاکار جنرال مک ماسټر د افغانستان د ملي امنیت د سلاکار محمد حنیف اتمر سره په یو ټیلیفوني تماس کې د کابل د چهارشنبې د ورځې د برید د قربانیانو له کورنیو سره خواخوږي څرګنده کړې او دا برید یې په سختو ټکو غندلی دی.

د افغانستان د ملي امنیت د شورا د ستراتیژیکي اړیکو د دفتر رئیس او ویاند قادرشاه امریکا غږ ته د دغې ټیلیفوني خبرو د جزئیاتو په هکله وویل چې ښاغلي مکماسټر د کابل د خونړۍ پیښې له امله د خپلو خلکو او دولت په استازيتوب د افغانستان د ملي امنیت سلاکار ته د غمشریکۍ او تسلیت مراتب وړاندې کړي دي.

ښاغلي قادرشاه وویل " ښاغلي ماسټر د افغان باعزمه او پیاوړو ځواکونو د قربانۍ او سرښیندنې ستاینه وکړه او زیاته یې کړه، چې افغان امنیتي ځواکونو په خپلۍ قربانۍ سره د برید کوونکي موټر وړاندې له دې، چې ټاکلي هدف ته ورسیږي وپیژانده او دښمن ته یې د مخکې تګ اجازه ور نه کړه".

د امریکا د ملي امنیت سلاکار له ښاغلي اتمر سره په خبرو کې ټینګار کړی دی چې د متحده ایالاتو خلک او دولت به د افغانستان له خلکو په ځانګړي توګه له ملي امنیتي او دفاعي ځواکونو څخه خپل هر اړخیز ملاتړ ته دوام ورکړي.