وروستي مطالب

''کابل کې پر جومات برید کې ۲۰ کسان وژل شوي دي''

جمعه, 03 سنبله 1396 16:05

د کابل ښار په خیرخانه مېنه کې د قلعه نجاران سیمې په یوه جومات کې د جمعې لمانځه پر مهال برید شوی دی. د افغانستان عامې روغتیا وزارت ویاند اسماعیل کاووسي بي بي سي ته ویلي دغه برید کې له ۲۰ ډېر کسان وژل شوي دي او نژدې ۴۰ ټپیان دي، چې د ښار بېلو روغتونونو ته لېږدول شوي دي.

دافغانستان کورنیو چارو وزارت ویاند نجیب دانش ویلي لومړی یوه ځانمرګي بریدګر د جومات دروازه کې په ځان پورې تړلیو باروتو ته چاودنه ورکړه او وروسته دوه نور بریدګر جومات ته ننوتل.

د نوموړي په وینا دغه برید شاوخوا یوه نیمه بجه پیل شو او له څو ساعتونو نښتې وروسته پولیسو بریدګر ووژل. اسلامي دولت نومې ډلې 'داعشویلي پر امام زمان جومات دغه برید دوی کړی دی

هیله نجیب وایې د پلار قتل ولړزوله خو قوې یې هم کړه

پنجشنبه, 02 سنبله 1396 18:15

د افغانستان د پخواني ولسمشر ډاکټر نجیب الله لور هیله نجیب وایي که څه هم چې د ډیرو مشکلاتو نه تیره شویده، خو اوس د بشر د خدمت لپاره د خپل پلار په نقش قدم روانه ده.

د ډاکټر نجیب الله لور هیله نجیب الله چی د بشري حقوقو فعاله ده او د مهاجرو د مسلو د حل لپاره د نړیوالې ټولنې سره د مشاورې په توگه کار کوي وایي چې یواځې اتلس کلنه وه چې پلار یې ووژل شو او د هغې نه وروسته یې خپل ژوند د افغانانو او بشریت خدمت ته وقف کړ.

هیله وایي چې د پلار قتل ولړزوله خو قوې یې هم کړه او د دې وړ یې کړه چې په خپلو پښو ودریږي "د پلار او او تره مرگ اسانه نه و خو ما ته یې دا وښوله چې څنگه ژوند وکړم، په خپلو پښو ودریږم او د خپلې کورنۍ سره مرسته وکړم. وکولی

پاکستان امریکا ته: د افغانستان جنګ زمونږ په خاوره کې مه کوئ

پنجشنبه, 02 سنبله 1396 17:52

د امریکا د متحده ایالاتو د جمهور رئیس د سیمه ییزې ستراتیژۍ په وړاندې د پاکستان د ملي امنیت کمیټې په خپل رسمي غبرگون کې هغه تورونه رد کړي چې وایي ترهگر په پاکستان کې کمپونه لري.

پاکستان د جمهور رئیس ټرمپ د جنوبي اسیا د ستراتیژۍ په هکله د پنجشنبې په ورځ په یو پراخ غبرگون کې هغه تورونه رد کړل چې وایي دې هیواد طالبانو ته چې په افغانستان کې پر امریکایي ځواکونو مرگوني بریدونه کوي، پناه ورکړې ده.

پاکستان د ملي امنیت د کمیټې له غونډې وروسته دا غبرګون وښوده. په دغې کمیټه کې لوړپوړي ملکي او پوځي مشران گډون لري چې مشري یې د پاکستان صدراعظم شاهد خاقان عباسي کوي.

د پاکستان د بهرنیو چارو وزیر خواجه آصف د سنا مجلس ته د یوې اعلامیې د لوستلو په ترڅ کې وویل "د افغانستان جگړه په پاکستان کې نه شي کیدای. د پاکستان تورنول د افغانستان په با ثباته کولو کې مرسته نشي کولی

په افغانستان کې د امریکايي سرتېرو اصلي شمېر!

پنجشنبه, 02 سنبله 1396 17:45

فارن پالیسي خپرونې په افغانستان کې د امریکايي سرتېرو د اصلي شمېر په اړه یو مطلب خپور کړی دی.

فارن پالیسي لیکي کیدای شي د ولسمشر ډونالډ ټرمپ د نوي ستراتیژي له مخې په افغانستان کې د امریکايي سرتېرو شمېر۱۶ زرو ته ورسېږي.

خپرونه وايي، د والسټریټ ژورنال دوه خبریالان توانیدلي دي چې د امریکا د دفاع وزارت یا پنټاګون څخه دا اعتراف واخلي چې په افغانستان کې د موجودو امریکايي سرتېرو شمېر تر هغې زیات دی څه چې د امریکا حکومت وايي.

فارن پالیسي لیکي چې دا مهال په افغانستان کې۱۲ زره امریکايي سرتېري موجود دي، نه اته زره او څلور سوه.

په مطلب کې وړاندې راځي چې په افغانستان کې د امریکايي سرتېرو د اصلي شمېر د پټ ساتلو پروسه د پخواني ولسمشر بارک اوباما د واکمنۍ پرمهال پیل شوه او د جمهور رئیس ټرمپ د حکومت په وخت کې يې هم دوام وکړ

د افغانستان او امریکا ترمنځ د همکاریو د تړون د سند عملي کېدو ته د ارګ هیله‌مندي

پنجشنبه, 02 سنبله 1396 17:37

جمهوري ریاست وايي، د افغانستان او امریکا ترمنځ د همکاریو د تړون سند به په دغه هېواد کې د پرمختګ لامل شي.
د افغانستان او امریکا ترمنځ د همکارۍ د تړون د سند له مخې پرمختګونه او د افغان حکومت ژمنې د یوې هوسا او با ثباته ټولنې د رامنځته کېدو په هدف څارل کېږي.
په دغه سند کې د افغاستان لپاره د ښې حکومتوالۍ، اقتصاد، امنیت او سولې په برخو کې نړیوال معیارونه په پام کې نیول شوي دي.
جمهوري ریاست وايي، د افغانستان او امریکا ترمنځ د همکارۍ د تړون سند عملي کېدل به په دغه هېواد کې د پرمختګ لامل شي.
د ولسمشر د ویاند د دفتر سرپرست شاه حسین مرتضوي د پنجشنې په ورځ ازادي راډیو ته وویل، په یادو څلورو برخو کې دوه سوه معیارونه ټاکل شوي دي

ناټو: طالبان خبرو ته له کېناستو پرته بله لار نه لري

پنجشنبه, 02 سنبله 1396 17:34

په افغانستان کې د ناټو لوی قومندان وايي، په جګړه کې د افغان ځواکونو د ماتې فکر نور له منځه تللی دی.

جنرال نېکلسن د پنجشنبې په ورځ د افغانستان او سوېلي اسیا لپاره د امریکا د ستراتیژۍ روښانولو کې دا خبره وکړه.

هغه زیاته کړه چې د دې ستراتیژي له مخې د افغان ځواکونو نړیوال ملاتړ زیاتېږي او د طالبانو په ګډون د نورو بلواګرو ډلو ځپل ډېرېږي.

د هغه په خبره، د ترهګرۍ ضد مبارزه پرېکند ده او افغانستان به بیا د ترهګرو پر پټنځي بدل نه شي.

هغه زیاته کړه چې تېر یو کال کې یې وسلوالو طالبانو ته سخت ګوزارونه ور کړي دي

د ترمپ تر نیوکو وروسته، چین د پاکستان ملاتړ کړی

چهارشنبه, 01 سنبله 1396 16:05

د سه شبنې په ورځ تر هغې وروسته چې امریکا متحده ایالاتو د افغانستان او سویلي آسیا له پاره په خپله نوې ستراتیژي کې پر پاکستان باندې د ترهګرۍ د نه ځپلو له امله نیوکې وکړې، چېن د خپل ملګري هیواد ملاتړ ته را ودانګل.

د افغانستان له پاره د امریکا متحده ایالاتو د ستراتیژۍ د اعلان پرمهال ولسمشر ترمپ پر اسلام آباد له دې امله نیوکې وکړې چې ترهګرو یا «د ګډوډۍ استازو» ته خوندي پټنځایونه برابروي. تر دې مخکې د امریکا متحده ایالاتو پخوانيو ادارو هم په وار وار په پاکستان باندې د اوسامه بن لادن په ګډون له طالبانو او نورو جهادي ډلو سره د اړیکو لرلو او د هغوی دساتلو تور پورې کړی وو.

ترمپ پاکستان ته د مرستو د قطع کولو د ګواښ سربیره وویل چې «موږ پاکستان ته میلیاردونه ډالر ورکوو او په همدې وخت کې [پاکستان] هغه ترهګر ساتي چې موږ ورسره په جګړه کې یو

اسلام اباد: امریکا باید پاکستان د بلا خولې ته ورنکړي

چهارشنبه, 01 سنبله 1396 15:52

د پاکستان د بهرنیو چارو وزارت وايي پاکستان باید په افغانستان کې د امریکا د ماتې له کبله د بلا خولې ته ورنکړل شي.

ولسمشر ټرمپ د دوشنبې په ورځ د افغانستان او جنوبي اسیا لپاره د امریکا نوې تګلاره اعلان کړه، چې له افغانستان سره مرسته او پر پاکستان د فشار زیاتول یې مهم ټکي وو. ولسمشر ټرمپ پاکستان د ترهګرو په پاللو او ساتلو تورن کړ.

د تګلارې له اعلان وروسته ځینو امریکايي چارواکو خبرداری ورکړ چې شاید له پاکستان سره مرستې بندې شي.

د امریکا د بهرنیو چارو وزیر ریکس تیلرسن د سې شنبې په ورځ وویل که پاکستان د امریکا غوښتنو ته ځواب ونه وايي، د واشنګټن له قوي غبرګون سره به مخامخ شي.

خو د پاکستان د بهرنیو چارو وزیر خواجه اصف د پاکستان د جیو تلویزون ته وویل چې د ترهګرۍ پر ضد مبارزه کې پاکستان کلک ژمن دی او له دغې مبارزې به نه لاس په سر کیږي