وروستي مطالب

نکلسن: امریکا له پاکستان غوښتي چې د وسله والو له ملاتړ نه لاس واخلي

شنبه, 20 عقرب 1396 20:05

په افغانستان کې د امریکایي او ناټو ځواکونو قوماندان جنرال جان نکلسن وایي چې د امریکا متحده ایالاتو په لوړه کچه د پاکستان نه غوښتي دي چې پخپلې خاورې کې وسله والو ډلو ته د پنا ورکولو او د هغوي سره د ملاتړ نه لاس واخلي.

جنرال نکلسن د امریکا غږ سره په ځانگړې مرکې کې ویلي دي چې ډیر ژر به د امریکا د بهرنیو او دفاع وزیران پاکستان ته سفر وکړي چې دغه پیغام په خصوصي توګه پاکستاني چارواکو ته ورسوي.

ښاغلی نکلسن وایي جمهور رئیس ټرمپ په خصوصي توګه د پاکستان نه د بدلون غوښتنه کړې، خو دا چې جګپوړي امریکایي هیت پاکستان ته په خصوصي ډول څه ویلي دي، نشي کولای چې په ډاگه کړي، خو زیاتوي چې "که پاکستان په دښمن فشار زیات کړي، په بدل کې به یې امتیازات

افغان ژباړونکو ته ۳۵۰۰ نورې ځانگړې ویزې تائید شوې

شنبه, 20 عقرب 1396 20:00

د مهاجرت ځانگړی پروگرام هغو افغانانو ته په امریکا کې د دایمي اوسیدنې امکانات برابروي چې په افغانستان کې د امریکایي سرتیرو سره مرسته کړې

د امریکا د متحده ایالاتو کلنۍ دفاعي بودجې هغو افغانانو ته د نورو ٣٥٠٠ ویزو ورکولو منظور کړي چې په افغانستان کې یې د امریکایي قواو سره مرسته کړې ده.

د

امريکا او روسيې د سوريې په اړه ګډه اعلاميه تصويب کړه

شنبه, 20 عقرب 1396 19:54

د امريکا متحدو ايالتونو او روسيې ولسمشرانو د سوريې په اړه يوه ګډه اعلاميه تصويب کړه.

د روسيې خبري اژانسونو د کرملېن د وياند په حواله راپور ورکړى چې ډونالډ ټرمپ او ولاديمير پوتين په ويتنام کې د اسيا-پسفيک اقتصادي همکارۍ د سرمشريزې پر مهال تر لنډ تماس وروسته دا اعلاميه تصويب کړه.

د سوريې په اړه د روسيې او امريکا د ولسمشرانو په ګډه اعلاميه کې دواړو مشرانو موافقه کړې چې د داعش ډلې د ماتولو لپاره به ګډو هڅو ته ادامه ورکوي او د روسيې د خبري اژانسونو په حواله، دواړه لوري به په منځني ختيځ کې د خطرناکو ټکرونو او پېښو د مخنيوي لپاره د ارتباطاتو چنلونه فعالوي

۴۰ کلونو کې لومړی ځل د افغانستان د جزا قانون نوی شو

شنبه, 20 عقرب 1396 19:33

په ۴۰ کلو کې د لومړي ځل له پاره او تر اوږده انتظار وروسته د افغانستان د جزا قانون نوی شو چې د جرمونو نوې بڼې لکه انټرنېټي جرمونه او بچه بازي هم رانغاړي.

دا قانون چې ''د جزا کوډ '' بلل شوی سملاسي د عاجلو غوښتنو له مخې د تقنیني فرمان په بڼه راوتلی او وروسته به ملي شورا ته استول کېږي.

د افغانستان د جزا نوی کوډ چې پخواني تیت او پرک قوانین په کې راټول او اوسنیو شرایطو ته په کتو ترتیب شوی، ۷ څپرکي او ۹۱۶ مادې لري

عبدالهادي ارغندیوال: زما او د حکمتیار ترمنځ یووالی نه دی راغلی‎

پنجشنبه, 18 عقرب 1396 19:44

په داسې حال کې چې ګلبدین حکمتیار د حزب‎اسلامي د مرکزي شورا کنګره راغوښتې، عبدالهادي ارغندیوال وايي چې حزب‎اسلامي ګوند په عدلیې وزارت کې د ده په مشرۍ ثبت دی.
نوموړی چې د حزب‎اسلامي د مرکزي شورا د کنګرې د لومړۍ ورځې په غونډه کې هم ګډون نه‌و کړی، د پنجشنبې په ورځ «۱۳۹۶ کال د لړم ۱۸» ازادي راډیو ته وویل، تر اوسه د ده او ګلبدین حکمتیار ترمنځ یووالی هم نه‎دی رامنځته شوی.
دی وايي

سرچینې: د بلخ والي به ډېر ژر استعفا وکړي او یا به هم له دندې ګوښه شي

چهارشنبه, 17 عقرب 1396 18:46

ځینو حکومتي سرچینو ازادي راډیو ته ویلي چې ښايي ډېر ژر د بلخ د والي عطا محمد نور د برخلیک په اړه پرېکړه وشي.

دغه باوري سرچینې چې نه‌غواړي نوم‌یې واخیستل شي وايي، د ښاغلي عطا محمد نور د ځای ناستي په اړه له اجرائیه رئیس عبدالله عبدالله سره بحثونه شوي دي.

بل‌خوا یوې بلې حکومتي سرچینې ازادي راډیو ته ادعا وکړه چې ښايي په نږدې راتلونکي کې ښاغلی نور یا استعفا وکړي او یا هم له دندې ګوښه شي.

سټولټنبرګ: موږ په افغانستان کې پاتې کېږو

چهارشنبه, 17 عقرب 1396 18:42

د ناټو عمومي منشي ینس سټولټنبرګ د بلجیم په مرکز بروکسل کې خبرې غونډې ته نن چهارشنبې «۱۳۹۶کال لړم۱۷»وویل چې د دوی ځواکونه به په افغانستان کې پاتې شي، ترڅو افغان ځواکونه وروزي چې له ترهګرو سره جګړه وکړي.

د ناټو عمومي منشي د ناټو او د هغې د شریکانو د دفاع وزیرانو د دوه ورځنۍ غونډې په پيل کې دا خبره هم وکړه چې طالبان نه دې توانېدلي چې په تېر یو کال کې کوم مهم ځای ونیسي نو دوی پر ملکیانو بریدونه زیات کړي دي.

ینس سټولټنبرګ د افغانستان راتلونکې انتخابات مهم وبلل او ژمنه یې وکړه چې د انتخاباتو د امنیت په برخه کې به افغان ځواکونه وروزي چې هم د پارلماني انتخاباتو او هم تر هغه وروسته د ولسمشرۍ د انتخاباتو امنیت تامین شي.

"ځینې کسان د ټاکنو پر ځای بل بن کانفرانس جوړېدل غواړي"

چهارشنبه, 17 عقرب 1396 18:34

د حزب اسلامي مشر ګلبدین حکمتیار د خپل ګوند په لومړۍ کنګره کې وویل، راتلونکې پارلماني ټاکنې باید په خپل وخت وشي.

ګلبدین حکمتیار په دې باور دی چې په ټاکنو کمېسیون کې د بدلون راوستلو سره ځینې کړۍ غواړي ټاکنې له خپل وخت وځنډېږي:

"ځینې ګوندونه په ټاکنو کې له حزب وېرېږي پوهېږي چې څوک به ملت ټاکي. هغوی ته خپل راتلونکی روښان دی".