د امریکا دفاع وزیر په 'نا اعلان شوي' سفر کابل ته تللی

د امریکا دفاع وزیر په 'نا اعلان شوي' سفر کابل ته تللی


د امریکا دفاع وزیر (له کین لوري دویم کس) به دغه سفر کې له افغان ولسمشر سره هم وګوري.
د امریکا دفاع وزیر جیمز ماتیس په یوه نااعلان شوي سفر د افغانستان پلازمېنې کابل ته تللی دی. کابل ته د نوموړي سفر پر داسې مهال دی چې ویل کېږي په افغانستان کې د سولې راوستلو لپاره پراخې ډيپلوماټيکې هڅې پیل شوې دي.

په وروستیو څو میاشتو کې دا کابل ته د ښاغلي ماتیس دویم سفر دی

.


د افغانستان ولسمشرۍ ماڼۍ وايي،امریکايي پلاوي له ولسمشر محمد اشرف غني او اجرائیه رییس عبدالله عبدالله سره په ګډه غونډه کې د سولې پر بهیر، د سویلي آسیا او افغانستان لپاره د امریکا د ستراتیژۍ پر بریالیتوب او له ترهګرۍ سره د مبارزې پر لارو چارو خبرې کړي دي.

د ارګ په خبرپاڼه کې ویل شوي له پاکستان سره خبرې هم په غونډه کې یادې شوي دي.

افغانستان ته د امریکا د دفاع وزیر له سفر وړاندې د دغه هېواد د بهرنیو چارو وزیر مایک پمپیو اسلام ته سفر کړی او له پاکستاني چارواکو سره یې خبرې کړې دي.

افغان حکومت پاکستان تورنوي چې په افغانستان کې د جنګېدونکو وسله والو ملاتړ کوي او امریکايي چارواکو هم د پاکستان ځینې دولتي بنسټونه په افغانستان کې له جنګېدونکو وسله والو په ملاتړ تورن کړي دي.

د امریکا دفاع وزیر جیمس ماتیس د سویلي اسیا لپاره د امریکا په ستراتیژۍ کې چې شاوخوا کال یې پوره شو، لوی لاس درلود او دوی ادعا کوي چې دغې ستراتیژي یې ښې پایلې هم ورکړي دي.

لوستل شوی 67 ځله

خپل نظر وليکئ

ټولې کړکۍ چې د ستوري (*)نښه لري ډکول يې ضروري دي