وروستي مطالب

مجیب ځدراڼ په آی پي ال کې په حیرانونکې بیې وپیرودل شو

یکشنبه, 08 دلو 1396 13:53

مجیب ځدراڼ او ظاهر خان هغه دوه لوبغاړي دي چې تر راشد خان او محمد نبي وروسته به په لومړي ځل په آی پي ال کې لوبیږي.

د هند د ۲۰۱۸ کال د سترو تجارتي لوبو لپاره د لوبغاړو دوه ورځنی پېر او پلور ( بولي- اکشن) په بنګلور کې د یکشنبې په ورځ ( جنورۍ ۲۸) ختم شو. شاوخوا ۵۸۰ نړیوال او بهرني لوبغاړي د آی پي ال بولي‌ ته پېژندل شوي‌ وو چې لس افغان هم په کې وو

راشد خان د هند غوره ليګ کې وپېرل شو

شنبه, 07 دلو 1396 15:28

د افغانستان تکړه توپ اچوونکی راشد خان ارمان د هند غوره ليګ سياليو ته په ۹۰ ميليونه هندۍ روپيو چې ۱.۴ميليونه امريکايي ډالر کېږي وپېرل شو. نوموړی به له خپلې پخوانۍ لوبډلې سنرايزرز حيدراباد سره لوبه کوي.

د هند پرېمیرلیګ سږنیو سیالیو لپاره د لوبغاړو د پلور بهیر روان دی.

د راشد خان د پېرلو لپاره د راجستان، ډېلي، پنجاب او سن رایزرز تر منځ سیالي وه - پای کې سن رایزرز حيدراباده لوبډله وتوانېده چې نوموړی وپېري

افغانستان په نيمه پايلوبه کې له استراليا سره سيالي کوي

پنجشنبه, 05 دلو 1396 14:06

د افغانستان د ۱۹ کلنو لوبډلې نيوزيلنډ ته په نړیوال جام کې په ۲۰۲ منډو ماتې ورکړه او نيمه پايلوبې ته ووتله. افغانستان به په نيمه پايلوبه کې له استراليا سره بخت ازمويي.

پچه افغانستان وګټله او لومړی یې نیوزيلنډ ته د توپ اچونې بلنه ورکړه، افغان لوبغاړو ښه توپ وهنه وکړه او په ۵۰ اورونو کې یې د ۶ لوبغاړو په سوځېدو سره ۳۰۹ منډې وکړې.

دغه لوبه کې رحمان الله ښه وځلید او په ۶۷ توپونو یې ۶۹ منډې وکړې نوموړي ۳ شپږیزې او ۷ څلوریزې ووهلې

د ۲۰۱۹ کال نړیوالو اتلولیو لپاره د غوراوي لوبو مهال وېش اعلان شو

دوشنبه, 25 جدی 1396 19:51

د ۲۰۱۹ کال کرېکټ نړیوالو اتلولیو د غوراوي لپاره مهال وېش اعلان شوی او داسې ښکاري چې افغانستان ظاهرآ په ښه ګروپ کې دی.

د ۱۰ هېوادونو په دغو سیالیو کې یوازې دوه د ۲۰۱۹ کال نړیوالو اتلولیو ته لار موندلی شي.

د غوراوي په سیالیو کې به د مارچ له څلورمې نېټې تر ۲۵ پورې ټول ټال ۳۵ لوبې کېږي، پایلوبې ته رسېدونکې دوه لوبډلې به یې په نړیوالو اتلولیو کې د لوبېدو حق مومي

د افغان کريکټ د ۱۹ کلنو لوبډلې پاکستان ته ماتې ور کړه

یکشنبه, 24 جدی 1396 18:32

د افغانستان د کرېکټ ۱۹ کلنې لوبډلې په نوي زیلنډ کې خپله لومړنۍ لوبه کې د پاکستان لوبډلې ته په پنځو ویکټو ماتې ور کړه.

نن د شنبې په ورځ د ۱۹ کلنو ځوانانو د کریکټ نړیوال جام سیالۍ په نیوزیلېنډ کې پیل شوې.

په دغه جام کې د افغانستان په ګډون د ۱۶ هېوادونو لوبډلې برخه لري

افغان لوبغاړي د کرکټ یو نړیوال ریکارډ مات کړی

چهارشنبه, 20 جدی 1396 19:41

د کرکټ نړیواله شورا وايي چې ځوان افغان لوبغاړي محبوب بهیر د کرکټ د څلور ورځینو سیالیو یو زوړ ریکارډ مات کړی دی.

د کرکټ نړیوالې شورا په خپلې ویپاڼې کې ویلي دي چې محبوب بهیر د اسټرالیا د یو پخواني لوبغاړي ډن براډمن د کلونو زوړ ریکارډ مات کړی دی.

بهیر په افغانستان کې په خپلو لومړنیو څلور ورځنیو سیالیو کې تر ۱۰۰۰ ډېر رنزونه کړي او د منډو تر ټولو لوړ اوسط لري

کرېکټ: شهزاد محمدي به راتلونکې میاشت د زیمبابوې پر وړاندې ولوبېږي

یکشنبه, 17 جدی 1396 19:31

د افغانستان کرېکټ بورډ له زیمبابوې سره د راتلونکو لوبو لپاره د افغان لوبغاړو نوملړ اعلان کړ چې د شهزاد محمدي نوم هم پکې شته. دغه لوبې - چې پنځه یې یو ورځنۍ او دوه یې شل اوریزې دي - د راتلونکې فبرورۍ پر ۵مه پیلېږي.

کرېکټ بورډ وايي، د ملي لوبډلې لپاره ننګرهار کې یو روزنیز کمپ جوړ شوی، چې څه باندې دوې اونۍ به دوام وکړي او لوبغاړي به ځانونه پکې چمتو کړي

راشد خان د بېګ باش سیالۍ کې غوره لوبغاړی شو

دوشنبه, 04 جدی 1396 15:02

افغان لوبغاړي راشد خان د اسټرالیا د کرېکټ په غوره لیګ سیالیو، بېګ باش په خپله لومړنۍ سیالۍ کې خپله لوبډله بري ته ورسوله او د لوبې غوره لوبغاړی وبلل شو.

د ده لوبډلې، اېډلایډ سټرایکرز پرون سیډني تندر ته په ۵۳ منډو ماتې ورکړه.

په دې لوبه کې راشد خان دوه مهم لوبغاړي په یوه اوور کې وسوځول او په خپلو څلورو اورونو کې یې یوازې ۲۲ منډې ورکړې