"راشد ښه نه بلکې بهترین توپ اچونکی دی"

"راشد ښه نه بلکې بهترین توپ اچونکی دی"

د هند پرېميرليګ سياليو کې د سنرايزر حيدراباد لوبډلې او کلکته نايټرايډرز سيالۍ کې افغان لوبغاړي راشد خان په زړه پورې لوبه وکړه. نوموړې په ۱۰ توپونو ناسوځېدلې ۳۴ منډې جوړې کړې او بل ريکارډ يې په خپل نامه کړ.

د کرېکت د نړۍ تکړه لوبغاړي سچن ټنډولکر په خپل ټویټر لیکلي چې "پخوا به خلکو ویل چې راشد خان ښه بالر دی، نن زه وایم چې دی بهترین ورو بالر دی".

راشد خان له کولکتې سره په لوبه کې ډېر ښه وځلېد او غلطه به نه وي که ووایو چې په یوازې ځان یې لوبه وګټله.

نوموړي په ۱۰ توپونو ۳۴ منډې وکړې او ناسوځېدلی پاتې شو.

په توپ اچوونه کې یې درې لوبغاړي وسوځول، یو لوبغاړی یې رن اوټ کړ او دوه کېچونه یې ونیول.

راشد خان د نننۍ لوبې غوره لوبغاړی ونومول شو. نوموړې خپل ايوارډ جلال اباد کې د کرېکټ لوبغالي بريد قربانيانو په نامه کړ.

د نړۍ مشهور کرېکټ لوبغاړو د راشد خان ستاينه کړې او دی يې يو ښه لوبغاړی بللی دی.

د هند پرېمیرلیګ سياليو پايلوبه راتلونکې يکشنبې (۲۷ مې) د سنرايزر حيدراباد او چنای سوپر کېنګز لوبډلو تر منځ کېږي.

 

لوستل شوی 79 ځله

خپل نظر وليکئ

ټولې کړکۍ چې د ستوري (*)نښه لري ډکول يې ضروري دي