وروستي مطالب

'د سحر سوځېدو د نیمو ایرانیانو هیلې وسوځولې'

پنجشنبه, 21 سنبله 1398 18:46
 
د ایران تر اسلامي انقلاب وړاندې د دغه هېواد وروستي پاچا محمد رضا پهلوي کونډې فرح پلهوي ویلي، د سحر خدایاري ځان سوځونه او مرګ د نیمو ایرانیانو د هیلو سوځېدل او مرګ په معنا دي چې په وینا یې له تېرو ۴۰ کلونو راهیسې د خپلو ډېرو لږو حقونو لپاره مبارزه کوي.
سحر خدایاري لوبغالي ته د ورتګ د هڅو له کبله تر قضايي څار لاندې وه، چې بالاخره یې ځان ته اور ورته کړ او مړه شوه.
د فوتبال دغه پلوۍ نجلۍ پر خواله رسنیو په "ابي نجلۍ" مشهوره شوې وه.
پر خواله رسنیو د هغې مړینې توند غبرګونونه وپارول او ځینو ایرانیانو د فیفا له لوري د ایران پر فوټبال د بندیز غوشتنه وکړه.
په تازه غبرګونونو کې فرح پهلوي ویلي، اغلې خدایاري د ایراني ښځو د حق غوښتنې یو سمبول و.
اغلې پهلوي په یوه خبرپاڼه کې ویلي: "له تصور لیرې او ډېره وحشتناکه ده چې په یوویشتمه پېړۍ کې یوه ایرانۍ پېغله یوه لوبغالي ته د ورتګ له کبله ژوند له لاسه ورکوي."
دا وايي "د ابي نجلۍ مړینه د نیمو ایرانیانو د هیلو سوځېدو او وژلو په معنا ده، چې له تېرو څلوېښتو کلونو راهیسې د خپلو ډېرو کمو حقونو لپاره مبارزه کوي او په زړورتیا ولاړ دي".
د فوټبال نړیوال فدراسیون (فیفا) ویلي، د سحر خدایاري قضیه به وڅېړي ایا ایران د نړیوالو لوبو مقدماتي سیالیو کې سټوډیمونو ته ښځو ته د ورتګ اجازه ورکوي او که نه.
فیفا وايي ژر به په ایران کې د دې مسلې د څېړنې یو پلاوی څېړنه پیل کړي.
د فرانسې د خبري اژانس له مخې، د فیفا په دې څېړنډله کې به درې کسان وي چې د ایران د فوټبال فدراسیون له چارواکو سره به خبرې وکړي.

ملګرو ملتونو د پریانکا چوپړا په اړه د پاکستان غوښتنه رد کړه

شنبه, 02 سنبله 1398 18:42

 

ملګرو ملتونو د پاکستان هغه غوښتنه رد کړه چې د هند د سینما وتلې ستورې پرینکا چوپړا دې د یونیسف د خیر ښېګڼې لپاره د ښه نیت له سفیرانو و ایستل شي

دا په داسې حال کې ده چې تردې وړاندې سلګونه پاکستانیانو د دې هېواد د بشري حقونو د وزیرې شیرین مزاري په ګډون له ملګرو ملتونو غوښتي وو چې د سولې لپاره د یونېسف د خیر ښیګڼې د سفیر په توګه پرینکا چوپړا لېرې شي

هغه خویندې چې خپل پلار یې وواژه، خو د خلکو زړونه یې وګټل

جمعه, 01 سنبله 1398 17:30

 

د ۲۰۱۸ جولای میاشت کې درېیو تنکیو خویندو مسکو کې خپل ویده پلار په چړو ټپي او وهلو سره د مرګ تر کومې ورساوه

څېړنو په ډاګه کړه چې د نجونو پلار له څو کلونو راهیسې خپلې لوڼې په فزیکي ډول په یوه او بله پلمه ځورولې دي

۲۱ کلنې نجلۍ ۱۹۶ هېوادو ته په سفر خپل نوم د ګینیس کتاب کې ثبت کړ

شنبه, 18 جوزا 1398 15:25
 
لکسي هر کال ۹ هېوادونو ته سفر کړی دی.
۲۱ کلنه لکسي الفورډ د نړۍ ۱۹۶ هېوادو ته په سفر تللې او تر ټولو پیغلې په توګه یې د نړیوالو ریکارډونو ثبتوونکي کتاب 'ګینیس' کې خپل نوم ثبت کړی دی.
دا په دې معنی چې هغې هر کال ۹ هېوادونو ته سفر کړی دی

ملایکه: ولې مې طلاق واخیست

شنبه, 04 حوت 1397 20:51

ملایکه اروړه خان له ارباز خان تر طلاق اخیستلو ډېر وخت وروسته دا وايي، چې ولې یې دا کار وکړ.

هغه له خپلې ملګرې کرینه کپور خان سره چېټ شو کې وویل، د طلاق اخیستو لویه وجه دا وه چې ارباز او دا سره یو ځای و، خو له یو بل خوشال نه و.

هغې دا هم وویل، چې له طلاق مخکې یې د دې پرېکړې ښه او بد اړخونه وسنجول

بالیووډ: سترګک وهونکې ممثله په یوه بل جنجال کې

جمعه, 28 جدی 1397 20:56

هغه هندۍ ممثله چې یوه فلمي صحنه کې د سترګک له کبله ډېره مشهوره شوه، یو ځل بیا له ناندریو سره مخامخ ده. پروسږ کال د ملیالي ژبې یوه فلم سندریزه صحنه کې د پریا پرکاش سترګک پر خواله رسنیو ډېر ریکارډونه مات کړل، خو بې شمېره ناندرۍ یې هم راپورته کړې

نوی کال: ایشوریه رای د عشق یادونه تازه کوي

شنبه, 15 جدی 1397 20:56

د نوي کال له راتګ سره اکثر خلک د راتلونکي پلانونو خبرې کوي، خو بالیووډ ممثله ایشوریه رای د ماضي خواږه یادونه له نورو سره شریک کړي.

له ایک نومې مجلې سره مرکه کې ایشوریه رای د ۲۰۰۷ کال هغه شېبې یادوي چې مېړه یې ابهیشک بچن لومړی ځل ورته ویلي و، پرې مین دی.

ایشوریه وايي، د 'ګرو ' فلم نندارې ته وړاندې کېدو او له هغه مخکې د نیویارک یوه هوټل په بلۍ کې ولاړه وه چې ابهیشک په ګونډو ټیټ شو، د واده ګوتمۍ یې ورته ونیوه او د واده کولو غوښتنه یې ترې وکړ

د هند یوې اداکارې په بلې اداکارې د جنسي تیري تور لگولی

جمعه, 04 عقرب 1397 19:57

د بالي ووډ یوې اداکارې راکي ساونت په یوې بلې اداکارې تنوشري دت د جنسي تیري تور لگولی دی.

د هند یوې اداکارې راکي ساونت د اکتوبر په ٢٥ یوې خبري غونډې ته په وینا کې په یوې بلې مشهورې اداکارې تنوشري دت تور لگولی دی چې څو ځله یې په هغې جنسي تیري کړیدي.

راکي ساونت خبري غونډې ته په وینا کې وویل چې دت یې پخوا ملگري وه او یو ځاې به یې وخت تیروه "زه نادانه ووم، ماته یې نشه راکړه. یواځې سړي جنسي تیري نه کوي، ښځې هم دا کار کوي. هغه همجنسبازه ده