وروستي مطالب

ولې دولت جوړونکی ټیم؟

چهارشنبه, 29 جوزا 1398 18:47

محمدروښان ښاد

ولسمشر غني د ماهر طبیب په څېر له تېرو څو کالو راهیسې د ګران افغانستان په دقیقه او اساسي مطالعه بوخت و او بالاخره یې دا وموندله او دې پایلې ته ورسېده چې زموږ د وطن اساسي ستونزه د قوي مرکزي دولت نشتوالی او له همدې امله یې دا ځل خپل ټاکنیز شعار دولت جوړونکی یا دولت ساز انتخاب کړ، هغه غواړي چې زموږ د ستونزې اساسي چاره وکړي او اساسي چاره یې د پیاوړي مرکزي دولت ایجاد دی.

غني دې له پاکستانه څه وغواړي؟

چهارشنبه, 29 جوزا 1398 18:43

محمدروښان ښاد

غني دې له پاکستانه دا ځل بېخي وضاحت وغواړي او ورته ودې وایي چې له افغانستان سره څه کول غواړئ؟ همداسې نااعلان شوي جنګ او دښمنۍ ته ادامه ورکوئ او په دې هر څه د بطلان کرښه راکاږئ او خپلې اړیکې له سره رغاوئ، ځکه په دې ډول د پاکستان چلند هیڅ افغان ته د منلو وړ نه دی، موږ ټول ګورو چې هره ورځ د تروریستي بریدونو په پایله کې افغانان قرباني ورکوي، تاسیسات او تلفات مو ورځ تر بلې زیاتېږي

ریښتینی دوه مخی څوک دی؟

سه‌شنبه, 28 جوزا 1398 21:15

 

د نن ټکی اسیا په یوه خبر کې چې د طالبانو ویندوی بریښناپاڼه ګڼل کیږي، لولو« پخواني ولسمشر حامد کرزي له افغان حکومت او امریکا څخه غوښتي چې د سولې روانو هڅو په وړاندې دې د خپلې دوه مخې او متناقضې پالیسۍ څخه ډډه وکړي. کرزي د امریکا او حکومت له لوري د نظامي عملیاتو زیاتوالی او بمبارۍ د سولې د روانو هڅو سره په تضاد کې ګڼلي».

د سولې په برخه کې د ولسمشر غني په نیت شک بې انصافي ده

سه‌شنبه, 28 جوزا 1398 21:04

 

اېمل پیاوړی

 

ځینې مغرضې، عقده یي او مخالف افراد، اشخاص او کړۍ له کوم سند پرته پر ولسمشر غني تور پورې کوي چې د سولې پرځای د خپل واک غځېدو ته زیات لېواله او ان د سولې مخالف دی. دا خبرې له حقیقته لیرې ځکه دي ولسمشر غني چې له کومې ورځې واک ته رسېدلی دی، نو سولې ته یې لومړیتوب ورکړی، په سوله یې تمرکز کړی. د سولې په خاطر یې عملي هلې ځلې کړې دي.

په افغانستان کې د داعش وحشتونه

سه‌شنبه, 28 جوزا 1398 20:59

مطیع الله سحر

د داعش په نوم ډله چې له څو کلونو راهيسې په افغانستان کې د ورانکارۍ او تروریستي فعالیتونه کوي، د امنیتي او دفاعي ځواکونو له لوري سخت ځپل شوي دي. دوی لومړی خپل فعالیت د افغانستان په ختيځ کې ډيورنډ کرښې ته نيږدې پیل کړ. او له همغه ځایه یې چې په هیواد کې جنګ ته دوام ورکړی تر نن ورځې جنګېږي.

د حبیب احمدزي څرګندونې؛ حقایق که پروپاګند؟!

دوشنبه, 27 جوزا 1398 21:54

 

شرف الدین کاکړ

د کابل ولایت د ولسي جرګې د ټاکنو د نهایي پایلو له اعلان سره سم په امنیتي چارو کې د ولسمشر خاص سلاکار حبیب احمدزي چې تازه یې له دندې استعفا کړې وه او نور په ارګ کې دنده کول ورته د بې ناموسۍ او بېغیرتۍ په بیه تمامېده، له ځینو مهمو حقایقو په ځانګړې توګه په ارګ کې اخلاقي فساد، غلا او د قدرت له انحصار پرده پورته کړه.

د دښمن ماتې او نهیلي

دوشنبه, 27 جوزا 1398 21:49

محمدروښان ښاد

 

ولسمشر غني په یو وخت کې هم جنګ مدیریت کوي او هم د افغانستان د زیربنا، اقتصادي ودې او انکشاف په برخه کې پام وړ کارونه او پروژې په ښه توګه مدیریت کوي او له دې امله په وروستیو پنځو کالو کې افغانستان په حرکت کې دی. دا په داسې حال کې دی چې په دې وروستیو کې جنګ شدت وموند، د دې هڅه وشوه او حتی مخالفینو د دې تمه لرله او یا تمه ورکړل شوې وه چې دوی به حتما فتحې ته رسېږي او دولت به خدای مکړه سقوط کوي

پاکستان که ښه وکړي، نو ښه به وګوري!

دوشنبه, 27 جوزا 1398 21:45


محمدروښان ښاد

په دې کې شک نشته چې د افغانستان او پاکستان تر منځ دوستانه مناسبات او دوه اړخیزې همکارۍ د دواړو هیوادونو، دولتونو او ملتونو په ګټه دي، ځکه چې له یوې خوا دواړه هیوادونه ګډ مشترکات، ژبه، کلتور او ارزښتونه لري، له بل لوري دواړه یو بل ته سره نږدې دي، نو په اسانه او ارزانه توګه راکړه ورکړه کولای شي،