زېرمتون - آرشیف

زېرمتون - آرشیف

د ټولنيزو اړيکو پاڼې

Facebook MySpace Twitter Digg Delicious Google Bookmarks RSS Feed 


Copyright sporghay.com 2005-2010 All rights reserved. Design by: Abdel Malek and Roman Parhiz

طالب بيا وارخطا دی؛ پردۍ مردارۍ په ځان حسابوي! Print E-mail
Sunday, 23 July 2017 15:15

لیکنه : خوشحال آصفي
وروسته له هغې چې وسله والو طالبانو د چهارشنبې په ورځ د هلمند پر ګریشک ولسوالي حمله وکړه او د چارواکو په وینا طالبانو ماته وخوړه او زیاتې مرګ ژوبلې ورواوښتې؛ اوس دغې ډلې ويلي چې ياد ځانمرګی بريد د طالب مشر ملا هبت الله ځوی ترسره کړی دی.  د طالبانو یوه ویندوی قاري یوسف

احمدي ويلي، د هبت الله مشر زوی خالد د هلمند ولایت په ګریشک کې ځان والوزاوه. احمدي همداراز وویل چې دې برید وښودله چې د دوی جګړه جهاد دی. د طالبانو دغه ویاند ویلي چې خالد په مدرسه کې زده کړې کولې خو غوښتل یې چې ځانمرګی برید وکړي. په خواله رسنیو کې طالب پلوو دا یو ویاړ بللی خو مخالفانو یې ویلي چې ځان چوول افتخار نه دی بلکې د نورو د اوښکو پاکول ویاړ دی.
په ورته مهال د افغانستان د ملي امنيت شورا بيا د طالبانو يادې څرګندونې دروغ او پروپاګنډا بللې او زياتوي چې نه د ملا هبت الله ځوی ځانمرګی بريد کړی او نه هم په ځانمرګي بريد کې وژل شوی کس د ملا هبت الله ځوی دی. طالبان د دې لپاره دا ډول څرګندونې کوي چې دغه ډله د خلکو په منځ کې له ګڼو پوښتنو سره مخ ده چې د طالب مشرانو زامن په بهرنيو هيوادونو کې په آرامه ژوند کوي خو د خلکو بچيان د ځانمرګو بريدونو لپاره هڅوي.
که څه هم د طالب په شان لار ورکو (ګمراه) ډلو لخوا دا ډول څرګندونې کومه نوې خبره نه ده خو دا چې ولې دغې ډلې د هلمند د بريد عامل د طالب مشر ملا هبت زوی بولي؛ دوه دليلونه لري.
لومړی: اول خو د طالب مشر ملا هبت د زوی لخوا د ځانمرګي بريد ترسره کول ښکرور دروغ دي. ځکه د طالب ټولو مشرانو زامن د پاکستان په لوړو کالجونو کې لوړې زده کړې او په کراچۍ او لاهور ښارونو کې هوسا ژوند تيروي. دوی هيڅکله د يو ناروا او بې پايلې جګړې لپاره خپل ځانونه نه قرباني کوي. يواځې د افغان ولس له بچيانو د خپلې مردودې جګړې لپاره کار اخلي او يواځې ناپوه او احساساتي ځوانان د دوی د سيسو ښکار کيږي.
بل د طالبانو د يادو څرګندونو په اړه د افغانستان د ملي امنيت شورا څرګندونې کره او پر ځای دي. د افغانستان د ملي امنيت شورا بيا د طالبانو يادې څرګندونې دروغ او پروپاګنډا بللې او زياتوي طالبان د دې لپاره دا ډول څرګندونې کوي چې دغه ډله د خلکو په منځ کې له ګڼو پوښتنو سره مخ ده چې د طالب مشرانو زامن په بهرنيو هيوادونو کې په آرامه ژوند کوي خو د خلکو بچيان د ځانمرګو بريدونو لپاره هڅوي. د ملي امنيت شورا وينا دقيق او کره ده. رښتيا هم طالبانو په افغانستان کې يوه داسې جګړه روانه کړې ده چې نه پرې خپله طالب مشران پوهيږي او نه يې واړه ټوپکماران. دوی د يوې داسې دسيسي ښکار شوي دي چې د ملا فضلو او مولانا سميع الحق په فتوا د خپل ورور وژل روا بولي او د آی ايس آی د ګټو په خاطر له افغان ولسه قرباني اخلي. اوس خلک پوه شوي چې د طالب مشرانو زامن په ارام او هوسا ژوند لري خو د بې ګناه افغانانو زامن د ځانمرګو لپاره هڅوي.
دويم: لکه څرنګه چې اوس افغان ولس د طالب ټوپکمارانو په اصليت پوه شوی دی او ورځ تر بلې ورته د طالب اهداف او د روانې جګړې اصليت معلوميږي نو طالب مشران هم هڅه کوي څو د خلکو ذهنیت ته تغير ورکړي. اوس ا فغان ملت پوه شوی چې په افغانستان کې روانه جګړه د ملا فضلو او مولانا سميع الحق په شان د آی ايس آی د ملايانو په فتوا روانه ده له افغان وژنې او بېګناه وينې تويدنې پرته بله معنا نه لري. افغان ولس پوه شوی چې دوی د يوې مردودې او پردۍ جګړې ښکار شوي دي چې طالب يې عامل دی. ولس نور د طالب او نورو ترهګرو اصليت پيژندلی دی او ورځ تر بلې د خلکو په منځ کې د طالب ځای ورکيدونکی دی. نو دا چې اوس د خلکو ذهنيت بدل کړي او ورته د دروغو داسې تلقين ورکړي چې ګويا د دوی جګړه سپيڅلې ده. که سپيڅلې نه وای نو د ملا هبت زوی به ځانمرګی نه کولو. دوی د همدې هدف لپاره د هلمند د بريد عامل د ملا هبت زوی يادوي.
لیکنه : خوشحال آصفي

 

Add comment

Security code
Refresh