	سپرغۍ ستاسی د سياسې، ادبې، علمې او هنري عقيدو او نظريو د خپرولو خپلواک او ناپيلې تربيون دي

کور	پر تيارو باندې دبد ويلو پر ځای به ښه وی، يوه ډيوه بله کړی

پیغور

د پردیو   تر   قدم   لاندې   شول     مړاوي
«د   خوشحال    د     قبر     سره لاله    ګلونه»
د   انګریز   د    پرونیو    ماتو    غچ      کې
ریز   مریز شول   د   اکبر- امین     سرونه
په دنیا باندې د بوش د خدائۍ غږ دی
د نمرود   او د شداد    هیر شول   یادونه
د افغان   د پګړۍ   ول   په ول     خر څیږي
غیرت ورک شوو په ننګ مات شول اورمیږونه
ټیټې سترګې،ورانه خوله او پته   غاړه
پلورل شویو کړل رواج دا ټیټ    دودونه

څنګه خوار شو د میرویس او روښان برم
نن زمریو ته ګیدړ چیچي غاښونه
۲۰۰۲.۱۲.۷

اسد زمری

اړيکۍ | د پاڼۍ چلونکۍ | د پاڼۍ هدف