سپرغۍ ستاسی د سياسې، ادبې، علمې او هنري عقيدو او نظريو د خپرولو خپلواک او ناپيلې تربيون دي
کور
پر تيارو باندې دبد ويلو پر ځای به ښه وی، يوه ډيوه بله کړی
دروغجن یار
ترېنه راټولې دې اسرې کړه ،یار دروغجن وخاته
زړګېه هېزې یې وعدې کړه، یار دروغجن وخاته
دوفا هيله او د وصل طمعه مړه کړه، زړه کې
خښې د ټولو جنازې کړه ، یار دروغجن وخاته
چې پرستش ته دې وو ځانته ترېنه ، بت جوړ ګړې
مات دې دا بت او بتکدې کړه، یاردروغجن وخاته
چې تېر اېستل او غولول دې ورته ناز ګاڼه تل
ورک یې مکرونه او پلمې کړه، یار دروغجن وخاته
دمینې عرش نه دې راکوز کړه دا ناولې مولا
هېرې یې ټولې ناکردې کړه ،یار دروغجن وخاته
(زمریه) څنګه به تسل ورکړې زخمي زړګې ته؟!
دخوږ منزل شمعې دې مړې کړه یار دروغجن وخاته
اسد زمری
ددې پاڼې ټولې ليكنې د
ليكوالانو د اندونو او رايو څرګندويي كوي
،ددي پاڼې ملګرتيا ور
سره شرط نه دى،شننه او قضاوت د درنو لوستونکو او ښاغلو ليکوالانو کار دي
اړيکۍ
|
د پاڼۍ چلونکۍ
|
د پاڼۍ هدف
د پاڼی سرته
