پرون  بل  وو  پکې  سره  اورونه  هر  خوا
نن ئې  خړ    لوګي  جګیږی   له  ګوګله
ددنیا   لمن ئې  تنګه    ده    لوی    غم  ته
د افغان  وطن  کړ  وران  هر  چا  څو  ځله

۲۰۰۲.۱.۲

زمری

د امتحان خاوره

چې  وسله    کړي     نوې   جوړه    ظالمان
امتحان   ئی  کي  په    خاوره    د   ا فغان
خدایه  څله  دې  بیدا  کړو  دغه  حال ته؟
یا  مو  وساته   یا  ورک  کړه  دا لیوان
۲۰۰۲.۱.۲

د تو تکیو  حماسه

د تو تکېو  کډې  وکو چیدی،
د  ساړه  ژمي  له  راتللو   سره ؛
هره  خوا  سپینو  واورو  وپوښله ....
له  هره  کوره  د  لو ګیو  سلسلې   جګې   شوې.....
یخنۍ  کنګل  کړه  هر  څه ،
د  خو ځیدو  توان  ئې  له  هر  چا  ویوړ ،
داور  ګرمي  کمه  شوه ،
د  لمر  تودوښه  لږه .
ژمی  شو اوږد  له  پخوا،
او  خلک ئې  تنګ  کړه  په  ځان ،
په  بې صبرۍ ئې  د پسرلي  د راتلو لار څارله ،
د انتظار شپې  هم  د ژمې  په  څیر .....
اوږدې، اوږدې  تیریدې .
د تو تکیو  دراتللو کومه  نښه  نه وه و
خو  ټولو  دا ویل  چې:
پسرلي  راځی  او  خواه مخواه به را ځي.....
او تو تکۍ  به  بیا  د  شنه  اسمان   به  خلا صه  غیږ  کې ؛
اوړي رااوړي  او  غوغا  به کوي .
یا  به د لوړ  چنار  له  جګه  شاخه ،
په  قیل  او  قال  لکه  تل ....
په  خاوندانو  د فیل.....
د  خپلو  تیرو حماسو په هکله....
مسته  وینا  به کوي؛
ژمي  به  تیر  شی  اخر  .....
اوتوتکۍ  به بیا وطن  ته راشي

۲۰۰۱.۷.۱

اسد زمری