|
موری مرګ دې زما زړه له ټولو سوړ کړ
ستا غمونو نور له دې دنیا نه موړ کړ
چې مې شین کړ مخ ، دتا د غم څپیړو
په صورت ئې ژوندی مړی رانه جوړ کړ
۱۹۹۳.۱۲.۲۶
موری
چې پروت تر قد مو لا ندی جنت دی
ستا مقام ماته له هر چا نه او چت دی
ته مړه نه ئې څو ژوندی یمه زه موری
دتا نوم زما غمجن زړه ته قوت دی
۱۹۹۳.۱۲.۲۲
لویه خدایه
تانه نه غواړمه خدایه هیڅ شی ځان ته
وږی نه یمه زه ستا سپیره جهان ته
زما مورته د جنت ورونه کړه بیرته
زه به واچوم لا سونه ستا قران ته
۱۹۹۳.۱۲.۲۲
|
