نوموړئ د۱۳۳۴لیږد لمریز کال دمرغومی په ۱۱ (۱۹۵۵ م کال دجنوري په لومړۍ» نټه دکونړونوو لایت دنرنګ دولسوالۍ دلمټک په کلي کې زیږیدلئ دپلار نوم يی محمد سیفورؤ. دپلار له اړخه دمزدور خان او دمور له اړخه دکیجانخان چې دواړه ورونه او د محمدافضل خان زامن او دمحمد اکرم خا ن دزوي محمد عمر خان لمسي وولمسئ دئ .
وروسته له دې چې دنرنګ دلیسې ددولسم ټولګي څخه په بري ووت دپولیسو اکادمی ، او دسیاسي او ټولنیزو علوموپه انستیتیوت کې يي لوړې او مسلکي زده کړې وکړي درسمی دندو په اوږدو کې يي دملګرو ملتونو دسازمان دUNDCP دڅانګې په بیلو بیلو کورسونو ،نړیوالوسیمنارونو او ورکشاپونو کې ګډون کړئ دئ. اودهلمند ولایت دامنیه قومندانۍ دمخدره توکودمخنیوي دمدیریت دغړي دهمدغه مدیریت دمرستیال اومدیر دنیمروز ولایت دڅارندوې قوماندان دننګرهار ولایت دڅارندوې دسیاسی آمر دکورنیو چارو وزارت دجنايی جرمونودکشف رئیس او دکورنیو چارووزارت دمخدره توکو او قاچاقي مالونو دکشف کنترول اومخنیوي درئیس په توګه يي بیلې بیلې ټولنیزي دندې پر مخ بیولي دي اوس اوس چې په ناروې کې سياسي کډوال دئ.هم دهیواد اوهیوادوالو دپاره شعر وايي شعر لیکي او یواځې دوطن په نوم دهیلو آرمانونو ډک ژوندتیروي . نوموړئ له وړوکوالي څخه شعر وایی ! چاپي اثار یی عبار ت دي له
۱ هیلي هاندونه او آرمانونه
۲ هیلي آرمانونه اومنزلونه
۳ پرهرونه تصویرونه
۴ دزمانې غږ دخلکو غږ
او همداډول ځانګړي شعرونه مسلکي او ټولنیزي مقالې یی دهیواد په بیلو بیلو رسنیو او انټرنیټ په مټ چاپ او خپاره شوي او پنځه شعري ټولګې يي د
۱ مساپرې هیلي
۲ د پڼو چغار
۳ خواږه ترخه
۴ زبیرګئ
۵ سره کوڅه
همدارنګه دلنډوکیسو یوه ټولګه يي د(زما کیسئ ) ترسرلیک لاندې چې ټول
دنوموړي دژوند یادونه ،کورنۍ ټولینیزي اوسیاسي ناخوالې اونیمګړتیاوې، دګران
هیواد دوروسته پاتیوالي سببونه د تپل شوو جګړو داوږدې غمیزي انځورونه
تاریخي ویاړنې په راتلونکي دنوموړي دټینګ باور اودهیواداوهیوادوالوسره ژوره
مینه دملي یووالي اوسیاسي بیدارۍ په هنداره کې ویني او په همدغه باور
دبشپړې خپلواکۍ اوسوکالۍ په لورهڅوونکي هیلي انځوروي له جیلم نه
ترآمو اوله بولان او تاترې نه تر پامیر او واخانه پورې دګران هیواد داسقلال
په بشپړ تیا کې دروانو منطقوی جګړو چې دنړیوال شیطاني جال یوه کړۍ
اوټوله نړۍ يي نا آرامه کړې دحل لاره ویني او بیانوي يي
