|
د درواغو افسانه ده ساقی راشه د کبرونو هنگامه ده ساقی راشه
ساقی ډوب می کړه د میو په جامونو دبی ننگو زمانه ده ساقی راشه
دغه وران ویجاړکابل چه ورته گوری د جهادو نذرانه ده ساقی راشه
خیټه ور او ږیره ور لری قصرونه خوارغریب ته ویرانه ده ساقی راشه
پسرلی راغلی وایی نه پوهیږم نه یی نښه ,نشانه ده ساقی راشه
پسرلی دگلو , ملو سره مل وای نه بلبل نه پیمانه ده ساقی راشه
دبی کورو دبی وزلو خوشی څه وای دغمجنو ترانه ده ساقی راشه
دغه خاوره دننگونو حضیره شوه د بیدردو سامانه ده ساقی راشه
داسلام په نوم افغان غریب تالا شوه جهاد هسی بهانه ده ساقی راشه
که بری غواړی څه کم شی داغمونه دا د مستو میخانه ده ساقی راشه
|
|
