ګوره  راته  ګوره  چه  کتو کې دې اثر  وینم
خوښ یم له ژوندونه چه ستا سترګې هرسحروینم
وله غشې وله ښکار د زړه مې په  تلوار کوه
بې له  دې  دې غشې هره ورځ  په خپل ټټر وینم
ستا دتوروسترګوله هیبت چه سترګې پټې کړم
ریږدم  وارخطا شم  پټ په پټه  کې  محشر  وینم
زه خو ستا د سترګو په  فرقه کې پيره دار یمه
جوړې  زلزلې شي د  بڼو  چه  ستا  لښکر  وینم
مه غړه وه سترګې داغیارلورته خراب به شم
هسې هم  خراب یم  خرابه  کې مې سنګر  وینم
ورکړه نظرماتۍ د سروشونډو چه راغلۍ دۍ
ستا  درکې  ولاړ غریب کاکړ مست  قلندر وینم

انجنر عبدالکبیر کاکړ
جرمني  05 .12 .10

انجینیر عبدالکبیر کاکړ